Dy vjet pas vrasjes së një të riu shqiptar, gjykata e qarkut në Ulm të Gjermanisë dënoi një nga dy autorët e dyshuar me burgim të përjetshëm.
Viktima u vra në një liqen pranë Erbach / Donau “me të paktën tetë goditje në kokë”, tha dje kreu i trupës gjykuese, Gerd Gugenhan. Motivi sipas gjykatës, për “gjakmarrje” konflikt midis dy familjeve shqiptare. Autor për vrasjen e të riut Xhoi Musaj.
Për ngjarjen është akuzuar një 47 vjeçar shqiptar, ndërsa një tjetër është shpallur në kërkim. Pala mbrojtëse pretendoi se nuk kishin pasur qëllim për të vrarë të riun, por vetëm për ta rrahur, por gjykatësi deklaroi se dyshja kishte pasur qëllim të qartë vrasjen e tij.
Sipas gjyqtarit Gugenhan, spiralja e hakmarrjes që çoi në vrasjen e 19 vjeçarit filloi në vitin 2000.
Në atë kohë, një burrë u vra pas një mosmarrëveshjeje për një çështje borxhi. Kryerësi është në burg në Shqipëri. I riu i vrarë në Erbach në prill 2017, është nipi i të burgosurit në Shqipëri, sipas mediave gjermane.
Përballë rrezikut, i riu kishte ikur për në Steinfurt të Gjermanisë së bashku me nënën dhe vëllain më të vogël.
Shënimet e tij në Facebook për vendndodhjen, duket se kanë ndihmuar autorët e vrasjes për ta gjetur.
