Donald Trump ka bërë një tjetër reagim në Twitter duke thënë se do të nxjerrë para ligjit rivalin e tij Joe Biden për të gjitha shtetet e ShBA ku pretendon se ka marrë fitoren si President.
Trump tha se ka mjaftueshëm prova për këtë, por Twitter zgjodhi që ta bllokonte njësoj si postimet e tjera.
“Të gjitha Shtetet e fundit të pretenduara të fituara nga Biden do të sfidohen ligjërisht nga ne për Mashtrimin e Votuesve dhe Mashtrimin Zgjedhor.
Ka mjaftueshëm prova, thjesht shikoni mediat. Ne do të fitojmë! Amerika e para”, shkroi Trump në Twitter.
Kjo nuk është hera e parë që rrjeti social i bllokon postimet Trump.
Pikërisht ditën e djeshme Twitter i bllokoi dy postime pasi sipas tyre janë mashtrime në lidhje me zgjedhjet ose një proces tjetër civil.
