Operatori shtetëror i tubacionit Botas në Turqi rriti çmimet e gazit deri në 14 përqind, ndërkohë që çmimet e energjisë elektrike po pësojnë gjithashtu rritje, sipas burimeve të Reuters.
Ai vjen pasi lira humbi 42 për qind kundrejt dollarit këtë vit pasi Donald Trump imponoi sanksione dhe tarifa të ashpra ndaj mallrave turke.
Veprimi i zotit Trump ndezi zemërimin nga presidenti Rexhep Tajip Erdogan, i cili fajëson SHBA-ve dhe vendet perëndimore për komplot ndaj ekonomisë turke, duke fshehur problemet reale të vendit.
Inflacioni ka rritur çmimet e ushqimeve dhe të benzinës turke.
Ekonomistët janë të shqetësuar pasi banka qendrore e Turqisë nuk është në gjendje të frenojë inflacionin, i cili arriti një nivel 14-vjeçar prej rreth 16 për qind në korrik.
Muajin e kaluar, Botas rriti çmimin e gazit natyror për prodhimin e energjisë elektrike me 50 për qind dhe me 9 për qind për përdorim rezidencial.
Turqia mbështetet tek importet për pothuajse të gjitha nevojat e saj energjetike, me krizën e lirës që ngre kostot e naftës dhe gazit.
Rregullatori i energjisë i Turqisë rriti çmimet e energjisë elektrike me 14 për qind për përdorim industrial dhe 9 për qind për familjet nga e shtuna.
Ajo rriti çmimet me të njëjtën përqindje muajin e kaluar.
Pothuajse një e treta e prodhimit total të Turqisë prej 293 miliardë megavatësh erdhën nga termocentralet e gazit natyror në 2017.
Të hënën pritet të publikohen të dhënat e inflacionit, çka do të tregojnë pasojat e vërtetë të krizës ekonomike të përkeqësuar të Turqisë.
