Një histori lidhur me çështje pronash ka qënë sot në qëndër të debateve në rubrikën “Shihemi në Gjyq”. Dy motra janë përballur me njëra-tjetrën për shkak të një problem me një pronë, të cilën sipas dy motrave ka qënë trashëgimi nga babai.
Vilma ka trashëguar një pjesë të një prone nga babai i saj. Ajo është kthyer kastile nga Franca për të kërkuar të drejtat e saj mbi pronat, por edhe të burrit të saj. Po ashtu edhe motrat e vëllezërit e tjerë kanë pjesët e tyre. Nëpërmjet një prokure Vilma ka autorizuar bashkëshortin e saj për t’u marrë me procedurat e regjistrimit por kjo ka sjellë probleme dhe sherr me familjarët e saj.
Vilma ka kërkuar pjesën e saj dhe të burrit. Ndërkohë që Fetija, motra e madhe i ka thënë hapur se burri i saj nuk ka asnjë lidhje më pasurinë e tyre.
Motra më e madhe me ton të ashpër i është drejtuar:
“Të të vijë turp që me ke sjellë këtu. Nuk ke të drejtë. Burri jot nuk ka lidhje me pasurinë tonë”.
Ndërkohë që pati një kundërpërgjigje nga Vilma e cila me po të njëjtin ton u shpreh:
“Turp për ju. Nuk e lë burrin për fajin tuaj”.
Konflikti në thelb lidhet me regjistrimin e pronës në emrin e familjes, që të përfitojnë të gjithë. Por prokura e Vilmës e vështirëson gjëndjen.
