Sekretarja e Përgjithshme e Këshillit të Bashkëpunimit Rajonal Majlinda Bregu ka deklaruar se turizmi është sektori, që po e ndjen dhimbjen më të madhe nga Covid-19.
Përmes një postimi në ‘Facebook’, ajo deklaron se në një kohë kur njerëzit s’dalin nga shtëpia, kur kufinjtë janë agjensitë dhe të punësuarit në këtë sektor i presin ditë shumë të vështira.
Sipas Bregut, 11,4% e totalit të të punësuarve në këtë rajon janë nga sektori i Udhëtimit dhe Turizmit, që do të thotë që rënia e numrit të të punësuarve do të jenë një fakt, shumë shpejt.
Bregu propozon se që kjo situatë në turizëm të kalojë, qytetarët mund të udhëtojmë me ID card dhe pa viza mes vendeve të Ballkanit Perëndimor.
Postimi i plotë:
E di që tani frika ndaj virusit apo mërzia e izolimit në shtëpi nuk na japin kohë e nerva për të qarë halle të tjera, por një ditë edhe kjo do të kalojë dhe për disa gjëra duhet të nisim të mendojmë që TANI
Turizmi është sektori që po e ndjen dhimbjen më të madhe. Në një kohë kur njerëzit s’dalin nga shtëpia, kur kufinjtë janë agjensitë dhe të punësuarit në këtë sektor i presin ditë shumë të vështira.
Ndërsa turizmi kontribuon në 10.2% të PBB-së në Ballkanin Perëndimor, situata bëhet shumë e vështirë.
11,4% e totalit të të punësuarve në këtë rajon janë nga sektori i Udhëtimit dhe Turizmit, që do të thotë që rënia e numrit të të punësuarve do të jenë një fakt, shumë shpejt.
Dhe me të vërtetë, 42% e agjencive të udhëtimit dhe operatorëve turistikë kur u pyetën nga ne, konfirmuan që tashmë kanë filluar të ulin pagat dhe shkarkuan disa punonjës.
Çfarë mund të bëjmë për të lehtësuar dhimbjet? Rajoni ka nevojë për më shumë turistë. Po sikur të udhëtojmë me ID card dhe pa viza mes vendeve të Ballkanit Perëndimor?! A mund ta nisim nga shtëpia ?!
