Donald Trump po “humbet durimin” me Vladimir Putinin sepse Moska nuk po bën asgjë për t’i dhënë fund luftës në Ukrainë, tha Sekretari i Shtetit i SHBA-së, Marco Rubio, në një intervistë me Fox News.
Në këtë mes ka ndërhyrë Turqia, e cila synon të përshpejtojë axhendën për një samit midis Vladimir Putin dhe Volodymyr Zelensky në Stamboll. Ministri i Jashtëm turk Hakan Fidan e njoftoi këtë, duke shpjeguar se të dy vendet tashmë “kanë shprehur dëshirën e tyre për t’u takuar në Stamboll, por negociatat për datën dhe kushtet e mbërritjes së udhëheqësve po vazhdojnë.
Në përgjithësi, Erdogan dëshiron ta përshpejtojë këtë proces dhe po mbështetet në diplomacinë e të dy udhëheqësve”. Presidenti beson se një takim midis të dyve do të ndihmonte në kapërcimin e ngërçit në negociata, të cilat kanë arritur në fazën e tretë pa përparim të konsiderueshëm.
