Presidenti amerikan, Donald Trump ka hedhur një sërë akuzash për vjedhje të votave. Trump theksoi se nëse numërimi do të ishte I ligjshëm, fitorja për të do ishte shumë e lehtë.
Duke renditur akuzë pas akuze, ai pretendon se disa qytete janë të korruptuara, pa shpresë dhe se Këshilltarët e zgjedhjeve u udhëzuan të vidhnin votat dhe “të numëronin ato të paligjshme”.
Ai fajësoi “mediat e mëdha, paratë e mëdha dhe teknologjinë e madhe” për komplot me demokratët kundër tij.
‘Reuters’ raporton se disa stacione televizive amerikane, përfshirë NBC-në dhe ABC-në, ndaluan transmetimin e deklaratës së presidentit, kur ai nisi të bënte akuza të rreme.
CNN e transmetoi deklaratën e Trump, por bëri një koment thumbues: “Çfarë dite e trishtueshme për Shtetet e Bashkuara, që presidenti të akuzojë padrejtësisht popullin për vjedhje të zgjedhjeve”.
