Panamaja i është kundërpërgjigjur kërcënimeve të Presidentit të SHBA-së, Donald Trump, për të marrë kontrollin Kanalin e Panamasë, një rrugë kryesore tregtare.
“Kanali i Panamasë nuk ishte një koncesion apo një dhuratë nga Shtetet e Bashkuara,” tha presidenti i Panamasë Jose Raul Mulino në një panel në Forumin Ekonomik Botëror në Davos në Zvicër, sipas mediave të huaja.
Në fjalimin e tij inaugurues, Trump tha se Panamaja kishte “thyer” një premtim për të qëndruar neutral, duke pretenduar se Kina po operon në Kanalin e Panamasë. Trump tha gjithashtu se anijet amerikane nuk trajtohen në mënyrë të drejtë.
Kanali është një nga rrugët më të rëndësishme tregtare për SHBA-në. Rreth 5% e tregtisë globale detare kalon përmes Kanalit të Panamasë prej 51 miljesh (82 km).
Mulino thotë se pretendimet e Trump për kanalin janë false, duke shtuar se ai i përket popullit të Panamasë.
