Presidenti i SHBA dhe ai i Rusisë mbajtën gati dy orë bisedime me dyer të mbyllura në kryeqytetin finlandez Helsinki ditën e djeshme.
Një lum kritikash janë hedhur mbi Trump pasi a deklaroi se Rusia nuk kishte ndërhyrë në zgjedhjet Presidenciale në SHBA në 2016 duke përgënjeshtruar Inteligjencën Amerikane.
Çfarë tha Presidenti Trump?
Në një konferencë shtypi pas samitit, ai u pyet nëse besonte agjencitë e tij të inteligjencës ose presidentin rus, lidhur me akuzat për ndërhyrje në zgjedhjet Presidenciale në 2016.
“Presidenti Putin thotë se nuk Rusia nuk ka ndëmarrë asnjë veprim të tillë. Unë nuk shoh ndonjë arsye pse Rusia duhet të ndërhynte,” u përgjigj ai.
Trump gjithashtu fajësoi marrëdhëniet e dobëta me Rusinë në administratat amerikane të kaluara dhe jo në veprimet e ardhura nga pala ruse.
Lidhur me pretendimet e Trump kanë reaguar edhe disa nga figurat më të rëndësishme politike dhe jo vetëm në SHBA.
Senatori republikan John McCain e cilësoi si “një shfaqje e turpshme”. Hillary Clinton: Pyes veten me kë skuadër luan presidenti i SHBA. Ish-drejtori i CIA-s John Brennan tha se konferenca e lajmeve e Trump ishte “asgjë më pak se tradhtare”. Ndërkohë, Zëvendëspresidenti Mike Pence, në një fjalim në Departamentin e Tregtisë të SHBA, mbrojti samitin dhe vlerësoi Presidentin Trump. Drejtori amerikan i Inteligjencës Kombëtare, Dan Coats, gjithashtu tha se komuniteti i inteligjencës kishte qenë i qartë mbi “përpjekjet e vazhdueshme” të Rusisë për të minuar demokracinë amerikane.