Presidenti amerikan, Donald Trump u shpreh dje se do të kursente Bashkimin Europian nga tarifat doganore për çelikun dhe aluminin, nëse ky i fundit heq dorë nga barrierat e tij doganore të vendosura ndaj produkteve amerikane.
Tarifat doganore me 25% për importet e çelikut dhe me 10% për ato të aluminit të njoftuara nga Donald Trump u kundërshtuan nga europianët dhe disa partnerë të tjerë tregtarë të SHBA-së, si Japonia.
“Bashkimi Europian, me shtete të mrekullueshëm që e trajtojnë shumë keq SHBA-në në fushën e tregtisë, ankohet për tarifat e parashtruara doganore për çelikun dhe aluminin”, shkruan Trump në Twitter.
“Nëse ata heqin dorë nga pengesat e tmerrshme dhe tarifat doganore për produktet amerikane, ne do të heqim dorë nga tonat. Në të kundërt, ne do të taksojmë automjetetet… E thënë hapur”, shtoi ai, shkruan ata.
Europianët i shprehën zhgënjimin e tyre të shtunën përfaqësuesit amerikan për Tregtinë, Robert Lighthizer, i pranishëm në Bruksel për një takim të planifikuar prej kohësh me komisioneren për Tregtinë, Cecilia Malmström dhe ministrin japonez të Ekonomisë, Hiroshige Seko. Japonia, ashtu si Bashkimi Europian, kërkon të jetë e përjashtuar nga taksat amerikane.
