Një ngjarje e rëndë ka ndodhur në Selenicë mesditën e kësaj të premte. Një person është qëlluar me armë gjahu në një lokal qendër të fshatit Kotë dhe ka humbur jetën.
Viktima është Fatmir Hodo, 64 vjeç, kreu i Njësisë Administrative Kotë, i zgjedhur në vitin 2015 si përfaqësues i PD. Autor i kësaj ngjarje është identifikuar Admir Delaj, rreth 43 vjeç, nga fshati Gumenice, i cili është vendosur në pranga nga policia në banesën e tij rreth 30 minuta pas ngjarjes.
Viktima dhe autori kanë qenë së bashku në tavolinën e një lokali kur mes tyre fillimisht ka pasur debate dhe më pas 43 vjeçari ka qëlluar me çifte në drejtim të Hodos. Shkak për ngjarjen dyshohet të ketë qenë një konflikt pronësie.
Njoftimi i policisë:
Vlorë
Informacion paraprak
Më datë 09.11.2018, në orën 14:55, në një lokal në fshatin Kotë, është qëlluar me armë gjahu shtetasi F.H, rreth 64 vjeç (Kryetar i Njësisë Administrative Kotë), i cili për pasojë ka ndërruar jetë në vend.
Policia ka identifikuar autorin e ngjarjes i cili dyshohet të jetë shtetasi A.D dhe janë vënë në ndjekie të tij. Grupi hetimor ndodhet në vendngjarje dhe po kryen hetimet në lidhje me sqarimin e rrethanave dhe zbardhjen e plotë të situatës.
Forca policie janë vënë në ndjekie të autorit me qëllim kapjen dhe arrestimin e tij.
