Një ngjarje e rëndë ka ndodhur mbrëmjen e djeshme në një nga lokalet e natës në Londër. Një shtetas nga Kurdistani lindor, është i dyshuar si autor për dy vrasje, tentativë për vrasje, dhjetëra të plagosur rëndë dhe terrorizëm pas sulmit i cili kishte në qendër anëtarë të komunitetit LGBT+.
Shërbimi i Sigurisë Policore Norvegjeze, e kishte hetuar Zaniar Matapur-in vetëm një muaj më parë por kishte marrë vendimin se nuk përbënte kërcënim.
“Në maj, PST kreu hetime me autorin e dyshuar në lidhje me faktin se ai kishte treguar interes për deklaratat që perceptohen si shkelje e Islamit. Në këto ‘intervista’ nuk u konsiderua se autori i dyshuar kishte ndonjë qëllim për dhunë”, tha shefi i këtij shërbimi, Roger Berg tha në një konferencë për shtyp këtë pasdite.
I menjëhershëm ka qenë edhe reagimi i komunitetit LGBT+, të cilët janë mbledhur në Oslo, duke marshuar kundër krimit i cili duket se kishte në shënjestër anëtarët e komiunitetit.
E shkuara e Matapur është gjithashtu e errët, pasi në adoleshencë ai u dënua me dhjetë muaj burg pas një therje me thikë në një shkollë të mesme.
Përfshirja e Matapur në krime të rënda nuk mbaroi me kaq, por vijon me akuzuat për tentativë vrasje dhe posedim arme zjarri në vitin 2019.
Viktimat në sulmin e mbrëmshëm nuk janë identifikuar ende.
Oslo do të zhvillonte paradën e saj vjetore të krenarisë së homoseksualëve të shtunën, por organizatorët e anuluan ngjarjen nga frika e sulmeve të mundshme ‘kopjuese’.
‘Oslo Pride ka marrë rekomandim nga autoritetet që parada, Parku i Krenarisë dhe çdo ngjarje tjetër në lidhje me Oslo Pride të anulohet. Ne do të ndjekim rekomandimin e policisë dhe do të kujdesemi për njëri-tjetrin”, shkroi në Facebook organizatorja kryesore Inger Kristin Haugsevje.
