LEZHË – Është vrarë me armë zjarri mbrëmjen e kësaj të enjteje në fshatin Pllanë, babai i Roan Brahimit, të ekzekutuar më 9 maj 2024 në Virona të Athinës.
64-vjeçari, i identifikuar si Gjovalin Prendi, u eliminua në lokalin e tij nga persona ende të paidentifikuar, ku i është bërë atentat edhe në vitin 2020.
Autorët kanë ndaluar me një “Range Rover” para lokalit të 64-vjeçarit dhe njëri prej tyre nga zbritur nga makina duku ka qëlluar me breshëri plumbash.
Gjovalin Prendi ndërroi jetë gjatë transportimit në Spitalin Rajonal të Lezhës.
Forca të shumta të Policisë kanë shkuar në drejtim të vendit të ngjarjes të mbështetura nga Forca Kombëtare e Sigurisë, Njësia Shkodër.
Ndërkohë është ngritur një grup i posaçëm hetimor i cili ka shkuar në vendin e ngjarjes, dhe nën drejtimin e Prokurorit, po kryejnë veprimet hetimore me qëllim zbardhjen e ngjarjes.
