Ka ndërruar jetë i riu nga Mitrovica, pas një sulmi brutal të ushtruar ndaj tij disa javë më parë. Mësohet se Ermal Delija ndërroi jetë në spitalin e QKUK.
Sipas mediave në Kosovë, viktima u rrah nga një grup të rinjsh dhe përfundoi me lëndime të mëdha në spital dhe për disa javë qëndroi në gjendje kome. Pasi doli nga gjendja e komës dhe nga spitali, i riu mësohet se ishte pajtuar me familjet dhe personat që e kishin dhunuar.
Por vetëm para disa ditësh, ai kishte humbur sërish vetëdijen dhe ishte dërguar me urgjencë në QKUK, ku edhe humbi jetën mbrëmjen e djeshme.
