Një ngjarje e rëndë ka ndodhur në Melburn të Australisë, ku nëna ka vrarë fëmijët e saj dhe më pas veten.
Mediat e huaja raportojnë se Katie Perinovic 42-vjeç ka vrarë tre fëmijët e saj, Claire 7 vjeç, Anna 5 vjeç dhe Matthew 2 vjeçar, trupat e të cilëve u gjetën pa jetë në banesën në Tullamarine.
Fqinjët janë shprehur se 42-vjeçarja kohët e fundit nuk ishte mirë, pasi ishte pushuar nga puna si fizioterapiste dhe izolimi total i Melburn për shkak të Covid-19 kishte ndikuar në gjendjen e saj psikologjike.
Babai i fëmijëve, i identifikuar si Tomsilav Perinovic, është shfaqur tepër i tronditur teksa është thirrur për të dhënë dëshminë e tij në polici.
Aktualisht ai ndodhet ende në komisariat, ndërsa hetimet po vazhdojnë për të zbuluar arsyen e vdekjes së 43-vjeçares dhe fëmijëve të mitur.
