Një ngjarje tronditëse është shënuar në Itali. Rreth dy muaj më parë policia italiane e Monzos zbuloi një trup të murosur në mur në një banesë në Senago të Brianzas. Mësohet se trupi i pajetë i përket një shqiptari, policia ka arrestuar katër shtetas italianë si autorë të krimit.
Shqiptari i murosur është Astrit Lamaj, i cili u zhduk në Genova, në janar të vitit 2013.
Sipas autoriteteve italiane shqiptari u vra, për shkak se dyshohej për një vjedhje dhe se kishte ndërprerë një lidhje sentimentale me një të afërme, të një prej personave të hetuar. Eshtrat e kufomës u gjetën në kompleksin “Villa degli Oçhi” në Senago të Monza, ndërkohë që i zoti i banesës nuk kishte dijeni për asgjë.
