Një incident tragjik ka ndodhur të enjten në mbrëmje në një stacion e metroje në Hamburg, ku dy persona humbën jetën pas një sulmi të dhunshëm. Sipas hetimeve të para nga policia, bëhet fjalë për një vrasje.
Rreth orës 22:07, një 18-vjeçare po priste trenin e metrosë në platformën U1, kur një 25-vjeçar me origjinë nga Sudani iu afrua dhe e kap me forcë për arsyeje ende të paqarta, duke e tërhequr atë mbi shina. Të dy ranë përpara trenit që po mbërrinte dhe u goditën nga metroja, duke vdekur menjëherë.
Dëshmitarët okularë raportuan se burri mund të ketë qenë i dehur dhe se më parë kishte ecur përgjatë platformës. Ata thanë se ai papritmas e kapi gruan dhe e tërhoqi mbi shina, duke shkaktuar një skenë dramatike. Hetuesit ende po mblidhen prova dhe po shqyrtojnë regjistrime videosh dhe dëshmi të tjera për të zbuluar rrethanat e plota të ngjarjes, shkruan BILD.
Skuadra e hetimit për vrasje ka marrë përsipër hetimin dhe është duke punuar me zyrën e prokurorit publik. Trafiku hekurudhor u pezullua për disa orë në linjën U1.
Ndërkohë, ekipi i ndërhyrjes në kriza i Kryqit të Kuq Gjerman ofroi mbështetje për dëshmitarët okularë, të cilët ishin dëshmitarë të ngjarjes tragjike. Hetimet vazhdojnë për të zbuluar arsyet që çuan në këtë akt dhune të pashembullt.
