Një ngjarje e rëndë ka ndodhur mëngjesin e sotëm në Kamëz rreth orës 02:00.
Pasi u qëllua me armë drejt lokalit ‘Kaslin’ dhe banesës që ndodhet në të njëjtën biznes, pak minuta më vonë ndodhi edhe një shpërthim eksplozivi.
Fatmirësisht nga shpërthimi ka patur vetëm dëme materiale në lokal dhe tek makinat e parkuara para lokalit.
Në banesë ndodhej familja Shkëlqim Halilit, të cilët janë shprehur se se nuk kanë konflikte me njeri dhe nuk e dinë kush mund të jetë autor i sulmit.
Ngjarja është regjistruar nga kamerat e sigurisë së lokalit ku duken personat që qëllojne me armë. Pamjet u sekuestruan nga policia.
***
Ndërkohë Policia ka gjetur një automjet të djegur në periferi të Fushë-Krujës, makina është e tipit “Fouristradë”. Dyshohet se automjeti është përdorur nga atentatorët e mbrëmshëm të cilët vendosën një masë të konsiderueshme eksplozivi në lokalin e Shkëlqim Halilit, banues në Kamëz. Ngjitur me lokalin e tij ai banonte sëbashku me familjen, ndërsa në orën 02:00 pas mesnate mësohet se ka patur të shtëna drejt lokalit, e shtëpisë ndërsa pak para të shtënave është dëgjuar edhe shpërthimi i tmerrshëm. Në brendësi të mjetit janë gjetur dy armë zjarri tip “Kallashnikov”, të cilat dyshohet se janë përdorur nga autorët në lidhje me ngjarjen e ndodhur.
