Ministrja e Ekonomisë Anila Denaj shkruan se Agjencia ndërkombëtare e vlerësimit Standard & Poor’s ka konfirmuar vlerësimin aktual në “B+” si dhe perspektivën “e qëndrueshme” për Shqipërinë.
Sipas Denaj, vlerësimi i Standard & Poor’s dëshmon për qëndrueshmërinë e financave publike dhe financimin e suksesshëm të hendekut fiskal, duke frenuar presionet e bilancit të pagesave.
“Agjencia ndërkombëtare e vlerësimit Standard & Poor’s konfirmon vlerësimin aktual në “B+” si dhe perspektivën “e qëndrueshme” për Shqipërinë.
Ky është një tregues pozitiv i menaxhimit të situatës së jashtëzakomshme.
Programet stimuluese në Buxhetin e Qeverisë pritet të kufizojnë ndikimin ekonomik nga pandemia dhe të finalizojnë procesin e rindërtimit pas tërmetit.
Vlerësimi i Agjencisë Ndërkombëtare dëshmon për qëndrueshmërinë e financave publike dhe financimin e suksesshëm të hendekut fiskal, duke frenuar presionet e bilancit të pagesave.
Vlerësimi vërteton edhe njëherë angazhimin e Ministrisë së Financave dhe Ekonomisë:
– qasjen e kujdesshme për ecurinë e indikatorëve makroekonomikë dhe
– një rikthim drejt disiplinimit dhe konsolidimit fiskal në 2 vitet e ardhme”, shkruan ministrja Anila Denaj.
