Ferma më e madhe e paligjshme e breshkave në Europë është mbyllur. Kjo fermë ndodhej në ishullin spanjoll të Majorkas.
Zyrtarët e Gardës Civile u shprehën se ata shpëtuan 1,100 breshka nga një fermë pranë Llucmajor në jug të ishullit, shumë prej të cilëve rrezikonin jetën. Breshkat mbaheshin në kushte të këqija.
Dy burra gjermanë u arrestuan si të dyshuar për drejtimin e fermës, si dhe një pronar i dyqaneve spanjolle të kafshëve në Barcelonë. Tre të dyshuarit do të përballen me akuzën e pastrimit të parave dhe trafikimit të një specie të rrezikuar.
Tre njerëz të tjerë, një spanjoll dhe dy gjermanë, po ashtu janë nën hetim.
Disa nga breshkat e shpëtuara në Majorka ishin 14 llojet më të kërcënuara, duke përfshirë breshkën kineze me qafë të kuqe, breshkën madagaskar dhe breshkën vietnameze.
Zyrtarët thanë se gjithashtu kanë shpëtuar 750 vezë në këtë operacion.
Hetimi filloi në shkurt 2017 pasi autoritetet gjetën një dërgesë të disa llojeve të breshkave të mbrojtura në aeroportin e Palmës.
Dokumentet nuk përputheshin me kafshët dhe kështu ata u kapën.
/AlpeNews.al
