Prodhuesit e produkteve të fshatit në Pukë nuk do të jenë më të detyruar të shesin jashtë çdo standardi higjieno-sanitar dhe pa më të voglin kusht për tregtim siç ishin deri tani.
Falë një bashkëfinancimi me shoqatën “Agro-Puka” e cila mbështetet nga We Efect Suedish, bashkia e Pukës ka bërë të mundur krijimin e kushteve dhe standardeve të kërkuara për tregtimin e produkteve të fshatit.
Kreu i bashkisë Pukë, Gjon Gjonaj së bashku me drejtorin e organizatës “Agro-Puka” panë nga afër sot punën për tregun e produkteve të fshatit, teksa premtuan mbështetje për fermerët e zonës.
Gjithnjë e më shumë fermerët e Pukës po nxjerrin prodhimet e tyre në treg duke krijuar kështu të ardhura përmes këtyre produkteve.