Në rubrikën tonë të përditshme “Spring në Alpe” kemi zgjedhur t’iu sjellim tematikën e transformimit total të Fierit, në një periudhë relativisht të shkurtër.
Kjo pranverë e ka gjetur qendrën e qytetit të Fierit dhe jo vetëm, në punime të vazhdueshme të cilat janë pjesë e një projekt të bashkisë për transformimin e bashkisë.
Dhe pa dyshim kryebashkiakut Subashi, i duhen atribuar meritat, për urbanizimin masiv që i ka bërë qytetit të Fierit.
Qëllimi i këtij transformimi është të rikonceptojë qendrën e re historike të qytetit, duke mbuluar një sipërfaqe prej 60.000 metra katrorë në përputhje me prirjet aktuale të rigjenerimit urban dhe reduktimin e konsumit të tokës.
AlpeNews.al ju sjell pamje nga punimet e vazhdueshme që po bëhen në Fier.
Projekti parashikon gjithashtu rinovimin e fasadave dhe restaurimin e ndërtesave të përfshira në asamblin e qendrës së qytetit, ndërtimin e rrugëve për këmbësorët dhe korsitë e dedikuara për biçikletat.
Punimet për përfundimin në afat të rehabilitimit të qendrës së qytetit të Fierit dhe të lumit Gjanica po vijojnë me ritme të shpejta.
Falë punës intensive që po kryhet, eshte arritur qe brenda nje periudhe 7mujore një pjesë e mirë e punimeve të kenë përfunduar.
Përgatiti: AlpeNews.al
