Edhe në Kosovë ka persona që trajtohen për HIV/AIDS. Sipas të dhënave të fundit, në klinikën infektive, janë duke u trajtuar 33 pacientë. Ndërsa vlen të theksohet, se në vit 3 -4 persona lajmërohen në QKUK që janë të prekur nga SIDA.
Klinika Infektive në QKUK trajton me terapi 33 pacientë të sëmurë nga HIV/AIDS. Prej tyre, 27 marrin terapi intensive.
Rreth 3-4 persona preken nga sëmundja e HIV/AIDS për çdo vit në Kosovë, sipas të dhënave nga Klinika Infektive në Qendrën Klinike Universitare të Kosovës.
Kjo klinikë ka të evidentuar 115 raste me këtë sëmundje që nga viti 1986. Drejtori i Klinikës, Hamdi Ramadani, thotë se numri i pacientëve është i ulët në krahasim me vendet e rajonit.
Klinika Infektive në QKUK trajton me terapi 33 pacientë të sëmurë nga HIV/AIDS. Prej tyre, 27 marrin terapi intensive.
Rreth 3-4 persona preken nga sëmundja e HIV/AIDS për çdo vit në Kosovë, sipas të dhënave nga Klinika Infektive në Qendrën Klinike Universitare të Kosovës.
Kjo klinikë ka të evidentuar 115 raste me këtë sëmundje që nga viti 1986. Drejtori i Klinikës, Hamdi Ramadani, thotë se numri i pacientëve është i ulët në krahasim me vendet e rajonit.
“Në vit lajmërohen 3-4 raste, që nga viti 1986 deri sot kemi pasur 115. Kjo shifër është më e ulëta në rajon”, ka thënë Ramadani.
Sipas tij, shumica e këtyre pacientëve i takojnë gjinisë mashkullore të grupmoshave të ndryshme, shkruan Gazeta Shneta.
“Nga kjo shifër kemi vetëm 4 femra ku një prej tyre ka ndërruar jetë”, ka theksuar mjeku.
Ai shton se gjendja e pacientëve aktualisht është e mirë, ndërsa ka theksuar se identiteti dhe të dhënat e tyre mbahen konfidenciale për shkak të ndjeshmërisë së sëmundjes në shoqëri.
Ramadani ka treguar se klinika të cilën e drejton ai, ofron edhe shërbime për këshilla, teste dhe konsultime të ndryshme lidhur me këtë sëmundje.
Mjeku ka alarmuar për mungesën e informacioneve lidhur me HIV/AIDS tek të rinjtë kosovarë si dhe paragjykimet e shoqërisë për personat e prekur me këtë sëmundje.
