Një aksident i rëndë ka ndodhur mesditën e sotme në Kurbin, me pasojë vdekje.
Mësohet se një mjet ka përplasur për vdekje një grua 72-vjeçare, e cila ishte duke kaluar rrugën. Policia ka shoqëruar në Komisariatin e Policisë Kurbin, 24-vjeçarin, për veprime të mëtejshme procedurale, teksa vijojnë hetimet për zbardhjen e plotë të rrethanave të aksidentit.
Njoftimi i policisë:
Rreth orës 12:20, në Laç, automjeti me drejtues shtetasin S. K., 24 vjeç, ka përplasur këmbësoren, shtetasen M. Gj., 72 vjeçe, e cila si pasojë ka humbur jetën.
Policia ka shoqëruar në Komisariatin e Policisë Kurbin, 24-vjeçarin, për veprime të mëtejshme procedurale.
Ndërkaq, grupi hetimor ndodhet në vendngjarje dhe po punon për zbardhjen e shkakut të aksidentit.
