Një person ka humbur jetën dhe dy të tjerë kanë mbetur të plagosur si pasojë e një aksidenti të ndodhur paraditen e sotme.
Ngjarja e rëndë është shënuar në aksin rrugor Bajram-Curri- Fierzë, ku është përplasur mjeti tip “BMW”, me drejtues shtetasin N.M., banues në Bajram-Curri, me mjetin tip “Benz”, me drejtues shtetasin F.Dushaj, banues në fshatin Dushaj.
Sipas burimeve kofidenciale dhe të besueshme të AlpeNews.al, bëhet me dije se dy personat e aksidentuar janë vëllezërit e kryetarit të bashkisë së Bajram Currit.
Si pasojë e aksidentit ka gjetur vdekjen Man Dushaj, 64 vjeç, banues në fshatin Dushaj, pasagjer, vëllai i drejtuesit mjetit tip Benz raporton AlpeNews.al.
Informacion paraprak.
Më datë 20.04.2018, në aksin rrugor Bajram-Curri- Fierzë, është përplasur mjeti tip “BMW”, me drejtues shtetasin N.M., banues në Bajram-Curri, Tropojë, me mjetin tip “Benz”, me drejtues shtetasin F.D., banues në fshatin Dushaj.
Shtetasi F.D., udhëtonte me vëllain dhe dy pasagjer.
Si pasojë e aksidentit ka gjetur vdekjen shtetasi M.D., 64 vjeç, banues në fashtin Dushaj,(pasagjer, vëllai i drejtuesit mjetit tip Benz), si dhe janë transportuar në spitalin e Traumës Tiranë, drejtuesi i mjetit tip “Benz” shtetasi F.D., rreth 53 vjeç, banues në fshatin Dushaj, dhe i mituri E.H., rreth 7 vjeç (pasagjer).
Drejtuesi i mjetit tip “BMW”, është shoqëruar në komisariatin e Policisë Tropojë, për veprime të mëtejshme.
Grupi hetimor ndodhet në vendgjarje, ku po punon për zbardhjen e shkaqeve të aksidentit.
Përgatiti:AlpeNews.al
