Në Sarandë është gjendur i vdekur një 58 vjeçar në ashensor.
Trupi i shtetasit me iniciale Agim Proda mund të jetë vetëdjegur. Trupi i pajetë u gjet në gropën e ashensorit të një pallati në ndërtim. Dyshohet se viktima ka qënë në gjendje depresive.
/AlpeNews.al/
Informacion paraprak nga policia:
Më datë 10.12.2017, rreth orës 14:10, Salla Operative Sarandë është njoftuar nga një telefonatë se në lagjen ”Nr.4”, në brëndësi të ashensorit të një pallati ende në ndërtim është gjetur i djegur plotësisht një shtetas.
Shërbimet Policore dhe Grupi Hetimor kanë shkuar menjëherë pranë vendit të ngjarjes dhe kanë konstatuar se në brendësi (në gropën) e ashensorit gjendet plotësisht i djegur trupi i një shtetasi të seksit mashkull.
Nga veprimet paraprake të kryera dyshohet se trupi i pajetë ti përkasë shtetasit A.P., 58 vjeç, banues në Sarandë, i cili mund të jetë vetëdjegur.
Grupi hetimor po punon për zbardhjen e plotë të rrethanave të ngjarjes.
