Tentoi t’i japë fund jetës rreth 2 muaj më parë por u shpëtua nga dy të rinj në momentin e fundit, 31-vjeçari nga Pogradeci i jep fund jetës duke u varur në banesën e tij ditën e sotme.
Ngjarja ka ndodhur në lagjen nr 4 të qytetit të Pogradecit. 31-vjeçari kishte kohë që kishte krijuar varësi nga lëndët narkotike, çka dyshohet se ishte dhe motivi që herë pas here kishte luhatje të humorit. Policia ndërkohë ndodhet në vendin e ngjarjes dhe po punon për zbardhjen dhe rrethanat.Dy të rinjtë që e shpëtuan thanë atë kohë për mediat se 31-vjeçari ju kishte rrëfyer se ishte i mërzitur me fjalët që dëgjonte nga njerëzit. Ai ndihej i bullizuar prej tyre.
Gjithashtu ata shtuan se 31-vjeçari në tentativën e parë të vetëvrasjes ishte nën efektin e alkoolit. Tentativa e parë për vetëvrasje ndodhi në 5 dhjetor të vitit 2024.
