Një person i ka dhënë fund jetës në mënyrë tragjike mbrëmjen e kësaj të mërkure në Elbasan. Viktima është shtetasi Sali Hajdari 33 vjeç, i cili ka vrarë veten me thikë në zemër.
Hajdari është dërguar me shenja jete në spital, por nuk ka mundur dot t’u mbijetojë plagëve të marra duke ndërruar jetë.
Ngjarja ka ndodhur rreth orës 19.00, në lagjen “Dyli Haxhire”. Ende nuk dihet se cilat kanë qenë shkaqet që e kanë shtyrë 33-vjeçarin drejt këtij akti të rëndë. Nga veprimet e para hetimore rezulton se i riu dyshohet se vuante nga probleme të shëndetit mendor.
