Një ngjarje tragjike ka ndodhur në Angli, ku ka humbur jetën një 43 vjeçar shqiptar në një fabrikë kanabisi e cila është përfshirë në flakë.
43 vjeçari ndodhej brenda fabrikës së kanabisit në momentin që ajo ka marrë flakë, dhe bashkë me të gjendej edhe një tjetër 20 vjeçar shqiptar, i cili ka shpëtuar mrekullisht.
Të dy shqiptarët janë dërguar menjëherë në spital, por 43 vjeçari nuk u ka mbijetuar dot plagëve të marra dhe ka ndërruar jetë. Kurse i riu, fatmirësisht ishte dëmtuar më pak dhe falë mjekimit të marrë e ka rikuperuar veten.
Kujtojmë se ngjarja ndodhi mbrëmjen e të enjes që lamë pas, më 4 qershor, në një fabrikë në Brierley Hill.
