Një ngjarje e rëndë ka ndodhur rreth orës 01:30 të ditës së sotme në Greqi, ku një familje shqiptare është përfshirë në një aksident të rëndë.
Mësohet se babai po drejtonte mjetin me shpejtësi dhe në gjendje të dehur, ndërsa si pasojë e aksidentit ka humbur jetën nëna.
Gruaja ishte ulur në sediljen e parë të mjetit, ndërsa tre fëmijët, dy vajzat dhe djali ishin të ulur pas.
Në gjendje të rëndë janë babai dhe një prej vajzave të mitura, ndërsa zjarrëfikësit që u erdhën në ndihmë deklaruan se aksidenti ishte shumë i rëndë dhe familja ishte e izoluar mes hekurave të makinës.
Sipas mediave vendase, familja jetonte shumë vite në ishull, ndërsa gëzonte respektin e banorëve të zonës dhe merreshin me biznes.
