Viti që po lëmè pas është shoqeruar herë pas here edhe me lajme të rënda, siç janë rastet kur shqiptarët që jetojnë jashte vendit janë ekzektuar për motive të ndryshme nga njëri tjetri.
Rasi më i fundit ishte ai ditës së djeshme, ku 37-vjeçarja Brunilda Kovaçi Sadushi u gjet e pajetë në një pyll larg qendrave të banuara në Mougins të Francës.
Nga informacionet që bëhen te ditura deri më tani, dyshimet janë Brunilda, nëna e një djali 3 vjeç është vrarë. Mediat vendase shkruajnë se 37 vjeçarja ishte punonjëse seksi.
ALPEnews.al sjell disa prej rasteve të vrasjeve të shqiptarëve jashtë Shqipërisë.
Një tjetër rast i rëndë i pak ditëve më parë, është rasti i Flamur Beqirit.
30-vjeçari nga Kosova por që jetonte në Londër, dyshohet se, më 24 dhjetor, u vra me breshëri plumbash në shtëpinë e tij nga persona ende të panjohur për policinë. Flamuri i njohur si Alex Beqiri i lindur në Ferizaj, në Londër po jetonte që një kohë dhe po punonte si producent i disa artistëve të njohur në Angli.
Kjo e fundit dyshohet të kete qene edhe shkaku i atentatit, pasi detajet treguan se nuk ishte hera e parë që Flamurin ose Alexin kishin tentuar ta vrisnin për shkak të lidhjeve të ngushta me disa prej bandave muzikore.
***
Në 14 janar, vritet në Greqi Albert Bako
Bako sapo ishte tansferuar nga burgu i Chanias, ndërsa raportohet se vrasja është bërë nga bandat rivale.Viktima, Albert Bako ka qenë një emër jo pak I njohur në Greqi. Në vitin 2014, Bako kishte hapur zjarr në një bar në Mikrolimano duke plagosur 14 persona.Ndërsa po ashtu ai së bashku me një person tjetër kanë qenë të përfshirë edhe në atentatin e bërë ndaj avokatit grek Antonopoulos.
Torturohet dhe vritet shqiptari në Spanjë
Dedë Dokaj, shqiptari u gjend i vrarë në zonen e Malagës në Spanjë.
Dokaj, 44 vjeç, me origjinë nga Fushë-Arrëzi i Pukës, përpara se të vritet me plumb në kokë, është torturuar. Autorët ia kanë prerë gishtin e njërës dorë, kanë shkulur thonjtë e gishtave të këmbëve dhe i kanë prerë një pjesë të veshit.
Shqiptari vritet në Brazil, autorët i vënë armën në kokë dhe i kërkojnë lekë
Alban Gropçaj, një 29-vjeçar shqiptar, rezident në Itali i cili punonte zdrukthtar, u vra në një qytet të Brazilit,gjatë një tentative grabitjeje e cila shkoi keq. Shqiptari ishte me punëdhënësin e tij italian Guido Bertola, për të punuar së bashku në shtetin e largët. Ata ranë pre e një grabitjeje teksa kishin dalë nga një lokal dhe po hipnin në makinë.
Shqiptari dhe punëdhënësini i tij, i cili ka kaluar në gjendje shoku, u sulmuan nga disa persona me motoçikleta. Nën kërcënimin e armës autorët u kërkuan paratë, por shqiptari reagoi duke refuzuar të japë paratë. Këtu shënohet edhe momenti tragjik, pasi një nga autorët e qëllon me armë duke e lënë të vdekur.
Vritet shqiptari në Gjermani, goditet me thikë nga afrikani
Shqiptari është vrarë në Gjermani pasi është qëlluar me thikë nga një afrikan. Ridjan Myftari, është i riu shqiptar me origjinë nga Rusani i Delvinës që është vrarë me thikë.
Ai ndodhej prej disa muajsh në Gjermani, dhe në momentin e sulmit ndodhej bashkë me një kushëririn e tij.
Vritet i riu shqiptar në Angli
Një i ri shqiptar është vrarë në Britaninë e Madhe. 21-vjeçari Serxhio Marku, u gjet fillimisht i plagosur dhe më pas ndërroi jetë në spital.
