50 emigrantë u shpëtuan nga një varkë e dytë që po fundosej në të njëjtën natë, kur u mbyt varka në të cilën vdiqën katër persona në Kanalin Anglez.
‘DailyMail‘ raporton se oficerët e Forcave Kufitare shpëtuan 50 persona, pesë prej të cilëve kishin përfunduar në ujë, pasi varka e tyre filloi të fundosej në të njëjtën natë kur u fundos dhe një tjetër.
Detektivët nga Policia e Kentit po hetojnë rrethanat e incidentit në orët e hershme të mëngjesit të së mërkurës, i cili la katër të vdekur dhe 39 të shpëtuar. Oficerët po përpiqen gjithashtu të identifikojnë njerëzit që vdiqën dhe të gjurmojnë të afërmit e tyre.
Emigrantët në bordin e gomones u thanë peshkatarëve se kishin paguar nga 5,000 £ secili për kontrabandistët e njerëzve për udhëtimin nga Franca në Britani. Në fillim të kësaj jave, kryeministri Rishi Sunak njoftoi më shumë fonde për NCA – versioni britanik i FBI-së – për të trajtuar krimin e organizuar të imigracionit në Evropë.Drejtori i përgjithshëm i NCA-së, Graeme Biggar tha: “Ky incident, në mënyrë tragjike, nxjerr në pah rreziqet e këtyre kalimeve, një përqindje e lartë e të cilave lehtësohet nga rrjetet e organizuara kriminale. Ata i trajtojnë njerëzit si një mall për t’u përfituar dhe nuk mendojnë asgjë për t’i vënë ata në situata tepër të rrezikshme. Duke punuar me partnerët tanë në të dyja anët e Kanalit, ne jemi të vendosur të gjejmë përgjegjësit dhe t’i nxjerrim ata para drejtësisë.’
