Pas nje nderprerjeje per shkak te kushteve ekstreme te motit, eshtë gjetur edhe trupi i dytë i pajetë i peshkatarit që u mbyt në rezervuarin e fshatit Bradomirë të Pogradecit.
Mesohet se eshte gjetur edhe trupi i pajete i shtetasit Ramazan Kojtari, qe u mbyt mbrëmjen e shkuar bashkë me një person tjetër, teksa kishin dalë për peshkim.
Me heret, eshte gjetur edhe trupi i peshkatarit Arben Pupa, i cili u nxor nga uji i rezervuarit ku gjeti vdekjen, dje pasdite. Dy viktimat dolën për të peshkuar së bashku në rezervuarin e fshatit.
Kojtari dhe Pupa ishin banorë të zonës dhe administronin këtë rezervuar. Sipas dëshmive ata herë pas here dilnin për peshkim pasi hidhnin rasatin e peshkut për shumim.
Dyshohet se pikërisht mbingarkesa në varkë mund të ketë çuar në përmbytjen e saj pasi kishin zënë një sasi të madhe peshku. Gjithsesi këto janë vetëm dyshime, pasi askush nuk e ka parë ngjarjen.
