Katër të vdekur dhe tre të plagosur, ky është bilanci i një aksidenti të ndodhur në në Seattle të Shteteve të Bashkuara.
Një vinç i cili po punonte në ndërtimin e një pallati është rrëzuar këtë të shtunë në qendër të këtij qyteti, duke zënë nën vete gjashtë vetura.
Lajmi për personat e lënduar është konfirmuar nga shefi i zjarrfikësve, Harold Scoggins, tha se katër viktimat nuk kishin shenja jete në momentin kur zjarrfikësit arritën në vendin e ngjarjes.
Sipas prestigjozes “The Guardian”, dy nga të vdekurit ishin punëtorë që e drejtonin vinçin ndërsa dy të tjerët persona të cilët ndodheshin në veturat e tyre.
Scoggins tha se tre të lënduarit, përfshirë një nënë dhe një foshnjë, janë dërguar në spital, ndërsa një tjetër është mjekuar në vendin e ngjarjes, ndërkohë që policia është duke hetuar për të zbuluar për shkaqet dhe rrethanat në të cilat ka ndodhur ngjarja.
“Mendimet dhe lutjet e mia janë për të vdekurit dhe të lënduarit”, tha kryetarja e qytetit Seattle, Jenny Durkan.
Ndërsa Esther Nelson, një dëshmitare okulare e këtij aksidenti është shprehur se “Ishte e tmerrshme. Era ishte shumë e fuqishme”, duke shtuar se vinçi u thye në mes.
