Dy agjentë të inteligjencës italiane dhe një pjesëtar i forcave izraelite i dalë në pension ishin mes katër viktimave të fatkeqësisë së ndodhur në liqenin Maggiore në Italinë veriore, fundjavën e kaluar.
Dy agjentët italianë u identifikuan si Claudio Alonzi, 62 vjeç dhe Tiziana Barnobi, 53 vjeç. Mes viktimave ishte edhe Shimoni Erez, 50 vjeç, nga Izraeli. Mes viktimave ishte edhe Anya Bozhkova, gruaja ruse 50-vjeçare e kapitenit të varkës.
Sipas mediave italiane, varka kishte rreth 25 persona që po festonin ditëlindjen kur nisi një stuhi mbi liqen, e cila shkaktoi përmbysjen e varkës 16 metra të gjatë. Pjesa më e madhe arritën të shpëtojnë duke notuar për në breg ose u shpëtuan nga varka të tjera.
Të tjerë në bord hynë në ujë, por shumë nga pasagjerët notuan në breg ose u shpëtuan nga varka të tjera.
Zhytësit e shpëtimit dhe një helikopter u përpoqën që të bënin kërkimin sa më të shpejtë të personave që kishin mbetur në liqen.
Liqeni Maggiore, në anën jugore të Alpeve, ndahet nga Italia dhe Zvicra dhe është një destinacion popullor për turistët. Kohët e fundit, zona ka pasur mot të keq, me shërbimin meteorologjik të Italisë që ka lëshuar paralajmërime për stuhi.
