Detaje të reja shumë dramatike bëhen me dije në lidhje me ngjarjen e rëndë e ndodhur në Kombinat më 2 korrik të këtij viti.
Në banesën e tyre, u gjetën të pajeta gruaja e shtëpisë Zhaneta Josifi dhe vajza e saj Anisa Josifi, ndërsa vajza tjetër Blerta në gjendje të rëndë për jetën, arriti të mbijetojë pasi u dërgua në spital.
Ndërkohë, pastor Fitor Muça, i cili i njihte nga afër vajzat pasi kanë vizituar kishën e tij më herët kur ishin në adoleshencë, tha se ajo familje ka përjetuar një tragjedi të madhe.
Pastor Muça tha se Blerta, vajza e mbijetuar, ka parë të atin kur është vetëflijuar duke u hedhur nga një ballkon përballë pallatit të tyre në Përmet, pasi kishte mbetur i gjymtuar, pas 3-4 operacioneve.
Fevziu: Ishin normale nga gjendja mendore?
Fitor Muça: Në atë kohë ishin shumë normale, mesa di unë ato kanë kaluar trauma të mëdha, vetëflijimi i babait. Një nga vajzat, Blerta, ka qenë dëshmitare, ka parë të atin duke u hedhur nga ballkoni përballë pallatit të tyre. Çështja është që kjo tragjedi, kjo dramë e mbajtur e fshehur në mënyrë kaq të veçantë kaq të ndrydhur nga kjo familje, tregon shumë.
