Të paktën tre persona humbën jetën dhe katër rezultojnë të zhdukur pasi një autobus pasagjerësh ra nga një urë dhe përfundoi në lumë.
Ngjarja raportohet të ketë ndodhur në veriperëndim të Spanjës, ndërsa vetëm dy persona, drejtuesi i mjetit dhe një pasagjer janë nxjerrë nga lumi Lerez.
Puna e ekipeve të kërkim-shpëtimit u vështirësua për shkak të rrjedhës së fortë të lumit si shkak i shirave të dendura.
“Sipas të dhënave paraprake, autobusi transportonte gjithsej nëntë persona, shoferin dhe tetë pasagjerë. Nuk ka më trupa brenda autobusit, ndaj ne po vazhdojmë kërkimet për katër personat e zhdukur”, tha zyrtarja rajonale Maica Larriba.
