Të paktën 30 persona mbetën të vrarë nga shpërthimi i një makine bombë në provincën Logar të Afganistanit, mes tyre edhe nxënës shkolle dhe 90 të tjerë u plagosën.
Sipas raportimeve të BBC ngjarja ndodhi mbrëmjen e sotme pranë një bujtine, në provincë ku po qëndronin studentët.
Lajmi u bë me dije nga zëdhënësi i ministrisë së brendshme Tariq Arian, i cili tha se shpërthimi shkaktoi dëme të mëdha në zonë, duke përfshirë një spital dhe shtëpi banimi.
Çatitë e shtëpive janë shembur dhe njerëzit janë bllokuar nën mbeturinat. Forcat e sigurisë po përpiqen të shpëtojnë ata që kanë mbetur të bllokuar”, tha Tariq Arian.
Dëshmitarët e ngjarjes thanë se panë sesi u shembën çatitë e shtëpive dhe se studentët mbetën të bllokuar brenda në ndërtesë.
Ende nuk dihet motivi dhe se kush qëndron pas këtij sulmi të rëndë, ndërsa përpos viktimave u shkatrërruan shtëpitë aty pranë dhe bujtina ku ndodheshin studentët.
