Autoritetet po kërkojnë për një aeroplan pasagjerësh që u zhduk mbi Alaskë të enjten, sipas deklaratës së Departamentit të Sigurisë Publike të Shtetit.
Avioni i cili mbante nëntë pasagjerë dhe një pilot në bord, po fluturonte nga komuniteti i largët i Unalakleet në Nome kur u raportua i zhdukur rreth orës 16:00 në orën lokale.“Ekuipazhet janë ende në kërkim në terren, duke kontrolluar sa më shumë zonë të jetë e mundur,” tha departamenti herët të premten.
Linja ajrore Bering Air deklaruan se zyrtarët humbën kontaktin me Caravanin Cessna, më pak se një orë pasi u ngrit nga Unalakleet.
“Stafi në Bering Air po punon shumë për të mbledhur detaje, për të marrë ndihmën emergjente dhe për të vazhduar kërkimin dhe shpëtimin”, theksoi drejtori i operacioneve të Bering Air, David Olson.
Ekipet e shpëtimit po luftojnë me kushtet e këqija. Ndërkohë Departamenti i Zjarrfikësve Vullnetar i Nome tha se po kryente një kërkim tokësor rreth vendit dhe Malit të Bardhë.
“Për shkak të motit dhe padukshmërisë, ne jemi të kufizuar në kërkimin ajror për momentin,” theksoi ai.
Banorët janë paralajmëruar të mos formojnë grupet e tyre të kërkimit sepse moti është shumë i rrezikshëm.
