Dy grupe kriminale shqiptare janë shkatërruar nga autoritetet italiane. Sipas raportimeve, nga operacioni i policisë janë sekuestruar pasuri me vlerë 2 milionë euro.
Në këto pasuri përfshihen makina, pasuri të paluajstshme dhe para cash. Mësohet se këto dy grupe kriminale merreshin me trafikim droge në territorin e Venetos.
Në hetim janë përfshirë 33 persona të cilët operonin konkretisht në Venecia, Padova, Treviso dhe Verona ndërsa lidhjet e tyre arrinin deri më Lombardi.
Gjatë operacionit janë vënë në pranga 18 persona, ndërsa u sekuestuan 25 kg kokainë dhe 11 kg lëndë narkotike të llojit marijuanë.
