11 persona janë arrestuar në Itali pasi trafikonin drogë të llojit kokainë. Personat janë arrestuar nga karabinierët në orët e para të mëngjesit të sotëm në një operacion antidrogë.
Karabinierët nën komandën e policisë në Lecce kanë qenë në ndjekje të 11 të arrestuarve, 6 prej tyre me kombësi shqiptarëve.
Grupi italo-shqiptar trafikonte kokainë, si edhe përpunonte drogëra të tjera të rënda. Ndër të arrestuarit është edhe një person, që sipas mediave italiane është element i njohur i grupit Sacra Corona Unita. Nuk dihen ende identitetet e 11 të arrestuarve dhe detaje mbi aksionin e policisë.
