Pak kush e di që në Tiranë një prej atraksioneve natyrore, thuajse totalisht të paprekura nga dora e njeriut, është edhe Liqeni i Bovillës.
“Tour of the Day” besoj e kuptuat se është pikërisht një vend në Tiranë, pak larg qendrës, zhurmës, dhe jetës intensive që shumë prej nesh është mësuar të ketë.
Veçmas kësaj, Liqeni i Bovillës premton shumë sa i përket turizmit malor, aktiviteteve argëtuese për të rinjtë, dhe shtimin e shtigjeve për turistët aventurierë.
Mëposhtë redaksia e ALPENews.al po ju liston disa të dhëna për liqenin.
Liqeni i Bovillës ose Ujëmbledhësi i Bovillës është një rezervuar 4.6 km2në Shqipëri, përafërsisht 9 mile (14 km) në verilindje të Tiranës dhe në juglindje të Krujës, në Parkun Kombëtar të Dajtit. Ai siguron shumicën e ujit të pijshëm për Tiranën.
Rezervuari është formuar nga një digë e lumit Tërkuzë, një degë e lumit Ishëm. Tërkuza ka burimin e saj në lindje të zinxhirit të jashtëm të vargmaleve bregdetare, që kalon përmes kanionit të thellë të Shkallës së Bovillës ndërmjet malit Maja e Gomtitit (1268 m) dhe malit të Bjeshit (1239 m).
Diga qëndron në hyrje të këtij kanioni dhe është bërë nga konglomerati, zhavorri dhe rëra lokale. Është 91 metra e lartë dhe 130 metra e gjatë.
Puna ndërtimore fillimisht filloi në vitin 1988, por u ndal me rënien e komunizmit. Në tetor 1993, puna u rifillua falë mbështetjes së shtetit italian.
Pas përfundimit të ndërtimit në vitin 1996, liqenit iu desh deri në vitin 1998 për tu mbushur dhe për të shërbyer për qëllimin e tij.
Ky material është përgatitur nga redaksia e ALPENews.al, për “Summer 2018”.