“Tour of the Day” për ditën e sotme, redaksia e ALPENews.al ka përzgjedhur fshatin turistik të Bogës, në majat e larta të qarkut Shkodër, dhe që shtrihet më pas deri në kufirin me Kosovën (nëpërmjet Alpeve shqiptare).
Fshat turistik që prej tregimeve të Edith Durham-it, në vitin 1908, Boga ka patur gjithnjë e më shumë interes për turistë nga vendet nordike, por edhe ato të Italisë, Francës, Britanisë së Madhe, dhe vendeve të tjera perëndimore.
I pozicionuar në rrëzë të maleve të Shkodrës, Boga i ka kaluar tashmë si një njësi administrative bashkisë së Malësisë së Madhe (pasi para reformës territoriale ka qenë pjesë e Shkrelit).
Stina e dimrit i gjen bujtinat dhe hotelet plot. Ftohtë, ushqim i mirë, ski në një pjesë të vogël të saj (pasi infrastruktura nuk lë hapësirë për më tepër), si dhe shërbim fantastik hotelerik, Boga me të vërtetë që është shndërruar në një destinacion tipik dimëror, por edhe veror.
ÇFARË MUND TË VIZITONI?
Ashtu siç me shumë vështirësi do të gjeni vende për të ndenjur gjatë stinës së ftohtë të dimrit, ashtu edhe në verë mund të keni mundësinë të udhëtoni në disa atraksione turistike (shpella, manastire, kisha, hiking, ecje në lartësi malore, vrap, piknik apo aktivitete argëtuese të tjera).
ALPENews.al ju sjell disa prej pamjeve që vijnë nga fshati i Bogës.
Ky material është përgatitur nga redaksia e ALPENews.al, për “Summer 2018”.