Një burrë, të cilit i kanë mbajtur familjen peng prej 5 vitesh në Afganistan, është arrestuar në Kanada.
Joshua Boyle u mbajt në Otava për disa akuza duke përfshirë sulmin dhe burgosjen me forcë, tha avokati i tij.
Boyle, gruaja e tij amerikane Caitlan Coleman dhe tre fëmijët e tyre u liruan nga trupat pakistaneze pas 5 vitesh këtë tetor.
Duke folur pas lirimit të tij, Boyle tha se talebanët vranë vajzën e tij të mitur dhe e përdhunuan gruan gjatë kohës që ato ishin në robëri.
Policia ka hedhur 15 akuza kundër Boyle, duke përfshirë tetë akuza sulmi dhe dy akuza për sulme seksuale. Ndaj tij është vënë një ndalim publikimi, duke parandaluar identifikimin e viktimave të supozuara.
Avokati i Boyle, Eric Granger, tha: “Zoti Boyle është i pafajshëm, ai kurrë nuk ka qenë në telashe … Ne mezi presim të marrim provat dhe ta mbrojmë atë kundër këtyre akuzave”.
Boyle tha se talibanët, të cilëve u referohej me emrin e tyre zyrtar, Emirati Islamik i Afganistanit, kishin kryer një hetim vitin e kaluar dhe pranoi se krimet kundër familjes së tij u kryen nga rrjeti i Haqqanit.
Ai i bëri thirrje talebanëve “për të siguruar familjen time me drejtësinë që na keni borxh”.
Udhëtimi për tu kthyer në shtëpi ishte i komplikuar nga refuzimi i Boyle për të hipur në një avion ushtarak amerikan në Pakistan, sipas dy zyrtarëve të SHBA që flisnin ë kushte anonimiteti.
Boyle tha në konferencën për shtyp se ai kishte qenë në Afganistan duke ndihmuar “fshatarët që jetojnë thellë brenda Afganistanit të kontrolluar nga talebanët, ku asnjë OJQ, asnjë punonjës i ndihmës dhe asnjë qeveri” nuk kishte arritur.
Rrjeti Taliban dhe Haqqani ndajnë të njëjtat synime për të detyruar trupat e huaja dhe për të rrëzuar qeverinë e mbështetur nga SHBA në Kabul, por ato janë organizata të ndryshme me struktura të veçanta komanduese. Përgatiti:AlpeNews.al