Ura e Gjon Lulit është nyja kryesore në rrugën Shkodër – Velipojë, për grumbullimin e ujrave. Me gjithë kushtet e vështira të krijuara nga reshjet, punimet këtu nuk janë ndërprerë. Kjo situatë ka diktuar edhe punime shtesë, dhe në të njejtën kohë të mos bllokohet qarkullimi i automjeteve.
Në këtë zonë, në dy anët e rrugës janë nën ujë rreth 100 hektarë toke. Mblidhen këtu ujrat nga tokat e Bushatit dhe Trushit. Dikur kjo është quajtur edhe këneta e Trushit, e cila pas bonifikimit të Nënshkodrës u përdor për tokë bujqësore, ndërsa sot është lënë për kullota.
Sipas banorëve të zonës, nëse do të funksiononte hidrovori i Velipojës, uji nga kjo sipërfaqe largohet brenda pak ditësh, ndërsa në këto kushte dhe me rifillimin e reshjeve të shiut, kjo sipërfaqe qënrdon e mbuluar me ujë gjatë gjithë dimrit.
Nëpërmjet një rruge të degraduar, kjo zone lidhet si me rrugën e Velipojës ashtu dhe bendin e Torovicës. Asfaltimi i kësaj rruge është i domosdoshëm për lëvizjen paralele të automjeteve në rastet kur ka përmbytje Trushi dhe rruga Shkodër – Velipojë./ Përgatiti: AlpeNews.al
Bendi i Torovicës në Shkodër, në rrezik të madh!
