Një tornado në shtetin e Dakotas Veriore në SHBA ka shkaktuar vdekjen e një foshnje të porsalindur.
Zyrtarët bënë të ditur se nga tornadoja më së shumti është dëmtuar parku i automjeteve rekreative (karavan) Prairie View, në të cilin ka pësuar foshnja njëjavore e një familjeje, automjeti i të cilëve është përmbysur nga stuhia.
Po ashtu, mësohet se 20 nga 28 personat që jetonin në park kanë pësuar lëndime.
Shërbimi Nacional Meteorologjik njoftoi se tornadoja ka lëvizur me shpejtësi prej të paktën 170 kilometrave në orë.
