Për akordimin e çmimit të “Topit të Artë” votojnë 173 gazetarë nga e gjithë bota. Në Shqipëri, këtë ekskluzivitet e ka gazetari Besnik Dizdari, i cili ka zbardhur për “Panorama Sport” edhe votën e këtij edicioni.
Ai ka votuar në vend të parë Kristiano Ronaldon (fituesin), Lionel Mesin, Kiliën Mbapenë, Serxho Ramosin dhe Nejmarin. Nga viti 2016, çmimi i “Topit të Artë” është bërë sërish ekskluzivitet i revistës franceze “France Football”, ashtu siç kishte qenë deri në vitin 2009. Por nga viti 2010-2015 u aplikua një formulë e re (u shkri me çmimin e “Lojtarit më të Mirë të FIFA-s”), deri sa presidenti i ri i FIFA-s, Xhani Infantino, dëshiroi që të rikthente sistemin e vjetër. Në këtë sistem, veç votës së gazetarëve, përllogaritej edhe ajo e trajnerëve të kombëtareve dhe kapitenëve të tyre.
