Kroos është prioriteti kryesor i Manchester United për afatin kalimtar të verës në vitin 2018.
Sipas asaj që raporton “Calciomercato”, mesfushori i Real Madridit, Toni Kroos, është prioriteti kryesor i Jose Mourinhos për verën e ardhshme.
Gjermani ka fituar pothuajse gjithçka me fanellën e “Los Blancos” që nga transferimi në vitin 2014 nga Bayern Munich dhe mund të joshet nga Manchester United, që e shohin si partneritetin ideal të Paul Pogbas.
Mourinho e pëlqen shumë Kroosin dhe gjatë verës do të tentojë ta bindë për një aventurë të re në Premierligë.
Pozitive për Man United mund të jetë sezoni aktual i “Los Blancos”, që duket se janë në krizë dhe raportohet për shumë ndryshime gjatë verës.
