Ditën e sotme, Kontrolli i Lartë i Shtetit bëri me dije se ish kryetari i Bashkisë Rrogozhinë ka qënë pjesë e disa shkeljeve për tjetërsimin e pronave duke shkaktuar kështu dëm ekonomik.
Duket se Rrogozhina, edhe pse një nga bashkitë më të vogla, ka pasur shpeshherë probleme të mëdha.
Thënë kjo, pasi vetëm para pak muajsh, kryetari aktual i bashkisë, Beqir Nuredini, u akuzua për “Shpërdorim Detyre”.
Çfarë ndodhi sot:
Ish-Kryebashkiaku i Rrogozhinës Ndriçim Dushku, është kallëzuar në Prokurori nga KLSH për një dëm ekonomik 24.5 milionë lekë dhe tjetërsim të paligjshëm të pronës shtetërore për sipërfaqen prej 27.6 ha.
Kontrolli i Lartë i Shtetit ka përfunduar auditimin në Bashkinë Rrogozhinë për periudhën 1 janar 2016 deri më 31 dhjetor 2017.
Gjatë auditimit u konstatuan shkelje dhe parregullsi të dispozitave ligjore në fushën e dhënies me qira të tokave shtetërore të pandara për 16 raste me sipërfaqe 27.6 ha si dhe në 1 rast, lidhur me procedurat e zbatimit të investimit publik.
Rasti i Nuredinit, 20 Shkurt 2018:
Beqir Nuredini, Kryetar i Bashkisë Rrogozhinë, u akuzuan bashkë me 9 persona të tjerë për tjetërsimin e 56 hektarëve bregdet në zonën e Spillesë.
Nuredini eshte perfaqesuesi i PDIU, dhe doli fitues ne zgjedhjet e vitit 2015.
Akuza e prokurorisë
Beqir Nuredini, Kryetar i Bashkisë Rrogozhinë për veprën penae neni 248 KP “Shpërdorimi i detyrës”, i cili dyshohet se ka konsumuar elementët e veprës penale të “Shpërdorimit të detyres”, vepra penale të parashikuar nga neni 248 te Kodit Penal, masa e sigurimit e “Ndalimi i daljes jashtë shtetit” që parashikohet nga neni 233 i K. Pr. Penale dhe masa e “Detyrimit për t’u paraqitur në policinë gjyqësore”, që parashikohet nga neni 234 i K. Pr. Penale.
Bllokimi i pasaportës:
Gjykata e Kavajës vendosi t’i bllokojë pasaportën dhe caktoi masë “detyrim paraqitje” për kryebashkiakun e Rrogozhinës Beqir Nuredini.
AlpeNews.al
