Lezha vazhdon të prodhojë arrestime sa i përket tjetërsimit të pronave.
Pak muaj më parë u arrestua kryebashkiaku i Lezhës i cili vjen nga radhët e PD-së, Fran Frrokaj. Frrokaj asokohe u akuzua dhe arrestua për tjetërsim të pronave. Në pranga në mars të këtij viti ranë edhe nënkryetari i Bashkisë, kreu i Hitepokës dhe dy juristë, ndërsa prokuroria kishte lëshuar 23 urdhërarreste. Në atë kohë, Partia Demokratike ushtroi një presion të fortë ndaj Gjykatës duke mundësuar kështu lirimin e të arrestuarve.
Ndërsa ditën e sotme, është arrestuar nga policia po për tjetërsim prone, Arben Ndoka, ish-deputet i PS-së. Për këtë akuzë, bashkë me Ndokën janë rishpallur në kërkim edhe dy shtetas që ishin edhe në rastin e kryebashkiakut demokrat, pjesë e ‘lojës’ së tjetërsimit të pronave. Ata janë rishpallur në kërkim pasi herën e parë, falë presionit të PD-së, ia dolën t’i shmangen drejtësisë. Ndersa sot, jane shpallur serish ne kerkim per tjetersim pronash me Arben Ndoken.
NJOFTIMI I POLICISE PER ARRESTIMIN E NDOKES DHE DY SHTETASIT E RISHPALLUR NE KERKIM:
Policia e Shtetit ka ekzekutuar urdhrin e arrestit për shtetasin Arben Ndoka, 46 vjeç, nga Lezha, për të cilin Gjykata e Krimeve të Rënda ka caktuar masën “Arrest në burg”.
Ai dyshohet për veprat penale “Falsifikimi i dokumenteve”, Falsifikimi i vulave, stampave ose i formularëve”, “Shpërdorimi i tokës”, në kuadër të një grupi kriminal, të përfshirë në tjetërsim tokash.
Hetimi disa mujor ka mbledhur prova dhe se ky grup kriminal dyshohet si i implikuar në abuzimet me troje shtetërore në zonën e Lezhës dhe Kurbinit, përmes falsifikimit të dokumenteve e vulave etj.
Në mars 2018, Policia e Lezhës hetoi një grup kriminal që dyshohej se ishte lidhur me abuzimet toka e troje në zonën e Shëngjinit dhe ndaloi 12 persona, mes tyre edhe Kryetari i Bashkisë Lezhë, ndërsa 11 u shpallën në kërkim. Ata në bashkëpunim me njëri-tjetrin akuzohen se kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, Lezhë.
Megjithë provat e forta të paraqitura nga Policia dhe Prokuroria, Gjykata e Shkallës së Parë Lezhë dhe Gjykata e Apelit Shkodër, ndryshuan masat për një numër të konsiderueshëm shtetasish, mes tyre edhe Kryetari i Bashkisë Lezhë, si dhe 2 shtetas të ri-shpallur në kërkim.
Gjithashtu disa ditë më parë, Policia e Lezhës goditi një tjetër grup prej 11 ish-zyrtarësh të Hipotekës, aktiviteti i të cilit dyshohet se lidhet me tjetërsimin e tokave në këtë qark.
